SANTAR + десерттер: үйлесімділік ережелері

Классикалық қара шай қай тәттілермен жақсы үйлеседі? Ал егер ол түйіршікті немесе сүтпен болса ше? Чай тітестер мен Ресейдің шай миксологиясы бойынша чемпионы Наталья Ларионова SANTAR шайына арналған ұтымды үйлесімдерді атады.

Қара жапырақты шай

SANTAR Special Big Leaf – бай реңктері бар ірі жапырақты қара шай. Әрбір жұтымда піскен алма мен кепкен жемістердің ноталары сезіліп, нәзік тәтті дәм қалдырады. Бұл – таулы аймақтың шай сорттарынан жасалған қанық әрі жарқын купаж. Ол ұзаққа қуат беріп, ерекше ләззат сыйлайды, әсіресе өзі сияқты айқын дәмді десерттермен толықтырса.

SANTAR Special Big Leaf шайына батыл түрде ұсыныңыз:

• имбирлі печенье;

• сүтті және қара шоколад;

• кепкен жемістер қоспасы (інжір, хурма, өрік);

• шоколадты және балды пирожныйлар;

• халва мен пішмание (пашмала);

• қарақат пен таңқурай тосабы.

Қара түйіршікті шай

Түйіршікті қара шай классикалық жапырақты шайға қарағанда тезірек әрі қоюырақ демделеді. SANTAR Rich Kenya шайының қанық, қою дәмінде кепкен жемістердің, балдың және жаңа пісірілген құмды печеньенің реңктері айқындалады. 

Бұл дәмдерді көлеңкелемей, керісінше, ерекшелеу үшін шайға ең тәтті десерттер таңдаған дұрыс:

• классикалық чизкейк немесе крем-брюле;

• нәзік, үгітілетін печенье;

• профитрольдер мен эклерлер;

• қарақұмық немесе жөке балы;

• алма тосабы;

• макарондар (пирожный);

• май мен тұз қосылған құрма.

Түйіршікті шай Қазақстанда ерекше танымал. Оны қою қып демдеп, күңгірт қоңыр түске жеткізіп, пиалаларға құяды да аздап сүт қосады. Көбіне бұл шайдың қасына майға қуырылған балды бауырсақ беріледі.

Бергамот қосылған қара шай

SANTAR Bergamot – құрамында бергамот эфир майы бар қара шай. Бұл сусын күрделі әрі қызық дәм береді: нәзік цитрус ноталары, жағымды ащылық және гүлді реңктер үйлеседі. Купаждағы бергамот дәмді басып кетпей, керісінше, шайдың өзіндік профилін толықтырып, оны сергіткіш әрі жеңіл етеді. 

Мұндай шайға қышқылдығы бар тәттілер айрықша жарасады:

• шие қосылған қара шоколадтан жасалған торт немесе кәмпиттер;

• цитрусты мармелад (лимон тілімдері және т.б.);

• жеңіл алма пастиласы;

• лимонды печенье;

• қарағай бүршігі тосабы немесе апельсин джемі.

Егер тойымдырақ дәм қаласаңыз, десерт табағына ысталған ірімшік қосуға болады, мысалы чечил. Екі айқын дәм бір-бірін тиімді толықтырады.

Жасыл шай

SANTAR Orient Green – бұл классикалық жасыл шай, гүлді хош иісі мен нәзік жасмин дәмінен кейінгі әсерімен ерекшеленеді. Жеңіл әрі балғын бұл шай Қытайдың таңдаулы шай жапырақтарынан жасалған. Оның нәзік дәмі жұмсақ тәттілермен үйлесімді ашылады, ал тым қанық десерттерден бас тартқан жөн. 

SANTAR Orient Green шайына жақсы үйлесетіндер:

• қышқылдығы күшті емес суфле немесе желе;

• панна котта немесе безе торт;

• мусс пирожныйлары;

• зефир мен безе;

• ақ шоколадтағы жаңғақтар;

• гүл балы.

Жасыл шайды Өзбекстан мен Тәжікстан тұрғындары ерекше бағалайды. Өзбектер десерт ретінде науат (таяқшаға қатырылған кристалды қант) таңдаса, тәжіктер дастарқанға кепкен жемістер мен жаңғақ қояды.

Сүт қосылған қара шай

Ыстық сүтті шай – Орта Азия тұрғындарының басты ерекшелігі. Сүттің арқасында шай тек әдемі янтар түске ие болып қана қоймай, дәмі де өзгереді – барқытты әрі кремді болады. Бұл енді жай ғана сусын емес, нағыз өмір эликсирі: жылытатын, тойымды, күш беретін. 

Мұндай шайға тамаша үйлесетіндер:

• сырниктер, құймақтар мен оладьи;

• маффиндер мен бисквиттер;

• сұлы печеньесі (қызылжидек қосылған түрі де);

• рахат-лукум мен пахлава;

• қатпарлы қамырдан пісірілген тәттілер.

Лактозаның арқасында сүт қосылған қара шайдың өзі тәтті болып шығады, сондықтан кейде оны жеңіл қышқылдығы бар десерттермен толықтырған дұрыс. Мысалы: таңқурай, құлпынай немесе көкжидек тосабымен.

Қант қосылған қара шай

Егер сіз шайды қантпен ішуді ұнатсаңыз, оған гастропарды тым тәтті емес, бейтарап тағамдардан таңдаған жөн. 

Тәтті-ащы дәмді жақсы толықтыратындар:

• қара шоколад және одан жасалған кәмпиттер;

• мейіз немесе көкнәр қосылған сухариктер;

• бубликтер мен кеспелер;

• қантсыз жаңғақ пастасы немесе жай жаңғақтар;

• кепкен жемістер мен жидекті пастила;

• сиыр жидек бәліші немесе мүкжидек муссы.

Қай десертті таңдасаңыз да, оны тек жақсы шайдың қосымшасы ретінде есте ұстаған жөн. Өйткені шайдың өзі – әдемі әрі толыққанды сусын. Жаңа купажбен танысуды ең алдымен десертсіз бастаған дұрыс, сонда ғана оның дәмі мен хош иісін толық сезінуге болады.